شريك طازه سخن من الفرن

السلام عليكم
قلت قبل الاجازه ماتخلص اعمل شوية شريك على معجنات واعينهم فى الفريزر
ولما احتاج اطلع وعلى الميكرويف على طول ويبقى كانه لسه طالع من الفرن
ندخل على المفيد الطريقه

كيلو دقيق
كوب لبن
كوب بيض
كوب سكر
كوب زيت اوسمن براحتك
معلقة خميره بيره
بيضه وفانيليا لدهن الوش وسمسم اوسكر براحتك
ندخل على الطريقه
اول حاجه ندوب الخميره فى نص كوب لبن دافى ومعلقة سكر صغيره وبعد شويه نحط معلقة دقيق عليها ونقلبها كويس ونغطيها ونسيبها
بعدين ننضرب المكونات السايله مع بعض كويس فى الخلاط وننخل الدقيق ونضيفه عليهم وكمان الخميره ونعجن كويس ونملك العجينه قوى ولو عزتى دقيق حطى ولو نشفت طريها بلبن
يعنى ماتخفيش وبعد كده سيبيهاتخمر كويس اهم حاجه الخمر للعجينه
وبعد كده تقطعى العجينه وتشكلى براحتك وبعدين تسيبيهم يفى الصيجان لغاية مايخمروا تانى وبعدين تدهنيهم بالبيض ولفانيليا وترشى السكر او السمسم وندخلها الفرن وبالهنا والشفا وممكن نشيلها بالفريزر ونخرجها وقت مانحتاجهاونضعها فى الفرن