وكمان تانى بيرم التونسى

في النوم رأيت عزرائيل
مركيز أوروباوي

ضوفره انجليزي طويل
معروج و سبعاوي

و ناب يشيل ألف فيل
أزرق فرنساوي

و الفم يبلع قبيل
في مجره نمساوي




عليه قميص من سواد
فاشيست طلياني

و جنبه منجم حصاد
من صلب جرماني

و ف خرجه زواد و زاد
من بمب بريطاني

و معاه خناجر بولاد
من دقه يوناني




واقف في نص الطريق
و الوقفه مكسيكي

ماسك تليسكوب دقيق
من طرز أمريكي
ينظر في منجم عميق فيه فحم بلجيكي

يستنى إمتى الحريق


يشعل ميكانيكي



قريت عليه السلام
قام رد بلغاري

طلبت منه الكلام
كلمني بافاري

شاورت باليد قام
شاورلي هنغاري

صحيت أنا من المنام
أقرض في أظفاري
رد مع اقتباس