منتديات الساده الأشــــراف العباســيين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الخط ده خطّي (احمد فؤاد نجم)

اذهب الى الأسفل

الخط ده خطّي (احمد فؤاد نجم) Empty الخط ده خطّي (احمد فؤاد نجم)

مُساهمة  زكريا محمد وحيد الثلاثاء نوفمبر 23, 2010 6:59 pm



الخط ده خطّي .. و الكلمة دي ليَّ

غطّي الورق غطّي .. بالدمع يا عينيّ

شط الزتون شطّي .. و الأرض عربية

نسايمها أنفاسي .. و ترابها من ناسي

و إن كنت أنا ناسي .. ما حتنسانيش هيّ

الخط ده خطّي .. و الكلمة دي ليَّ

لاكتب على عيني .. يحرم عليكي النوم

و احبس ضيا عيني .. بدموعي طول اليوم

قبل الوفا بديني .. زَي الصلا و الصوم

ده الدين في عُرف الحر .. هم و مذلة و مر

و هموم تجيب و تجُر .. أحزان مخبِيَّة


لاكتب على كفي .. و الحبر من دمي

يا عِزوتي كفي .. يا همتي ضمي

أول ما حنوَفي .. بالوعد حنسمّي

باسم اللي ماتوا صغار .. في المدرسة و الدار

و المصنع اللي انهار .. فوق الصنايعية

الخط ده خطي .. و الكلمة دي ليَّ
زكريا محمد وحيد
زكريا محمد وحيد

عدد المساهمات : 1167
تاريخ التسجيل : 16/10/2010
العمر : 73
الموقع : العباسيه القاهره

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى